Fáddá: geassi 2014

Áile lea sádden midjiide su geassemuittuid:

Geasseluomu álggus mun, eadni ja mu oabbá finaimet min fuolkki studeantafeasttas. Dan maŋŋá mun ja mu oabbá manaime skihpára šaddanbeivviide. Moadde beaivvi maŋŋel ledjen vuot ovtta skihpára šaddanbeivviin, ja logi beaivve geažes mus ledje šaddanbeaivvit. Geassemánu loahpas ledje mihcamárat ja lei hui galmmás, várra golbma gráđa beaivit. Mihcamáraid maŋŋá, go liegganii, de ledje miessemearkumat. Mun ledjen guovtti balgosa miessemearkumiin. Gávccat beaivvi vulgen mu skihpáriin Helssegii girdiin. Čuovvovaš beaivve manaimet Helsinki Pop Showii, gos oaivelávddi alde lei Robin. Seamma reaissus finaime Lahtis geahččame Maleficent -filmma. Lávvardaga manaime gávppašit Helssega guovddážii ja sotnabeaivve leimme Linnanmäki-tivolas. Vuossárgga finaime dušše Citymarkettis ja Seppäläs. Maŋŋebárgga vulggiime girdiin ruovttoluotta. Das ovddosguvlui mun ja mu bearaš leimme geassebarttas ja ruovttus. Ovtta vahkkuloahpa vulggiimet Norgii. Vuos vujiimet Gáregasnjárgii ja das Lakselvii. Lakselvis vujiimet Honningsvågii, ja doppe vujiimet Norkappii ja ruovttoluotta Honningsvågii. Idjadeimet Honningsvågis. Čuovvováš beaivvi vulggiimet ruovttoluotta Supmii. Loahppageasi ledjen ollu mu skihpáriiguin ja finaimet vuojadeamen, daningo olgun lei sullii 30 gráđa báhkas. Maŋimus vahkuloahpa ledjen ruovttus ja skihpáriiguin. Oktanuppelogat beaivve borgemánu álggii skuvla. Ijahis Idja lei lávvardaga 16. beaivve borgemánu. Ijahis Ijas lávddi alde ledje omd. Mari Boine, Somby, Ailu Valle, Amoc, Tiina Sanila ja Felgen Orkester. Dákkár lei mu geassi 2014.